FMA er eitt stórt, breitt og fevnandi tiltak har føroyskur tónleikur og føroyskir tónleikarar innan allar sjangrur eru í miðdeplinum.

---

Faroese Music Awards er tiltak, har bestu avrikini innan føroyskan tónleik verða heiðrað, og virðislønir verða latnar. Tiltakið umfatar beinleiðis tónleikaframførslur og verður sent í sjónvarpinum hjá Kringvarpinum.

Í tvey ár hava Tónleikasamband Føroya samskipað FMA, saman við Kringvarp Føroya og Norðurlandahúsinum.

Í ár verður arbeitt við eini reglugerð fyri FMA, soleiðis at tiltakið kann umboða alt føroyska tónleikaumhvørvið á besta hátt.

Lýst verður í Kringvarpinum og sosialu miðlunum, nær tað verður gjørligt at senda tilfar inn til FMA 2025.

---

FMA verður aftur 1. mars í 2025.