Spæl Føroyskt vikan er flutt frá at liggja vikuna undan FMA til at vera um heysti.
Í ár verður Spæl Føroyskt tann 5.-11.oktobur og tað er okkara vón, at alt Føroya fer at spæla føroyskt í hesum døgum.
Í samstarvi við spælistøð, kirkjur, skúlar, kommunur, sendistovur, musikkskúlar, Kringvarp Føroya og onnur fáa vit árliga føroyskan tónleik at runga í hvørjum króki kring landið, í eina viku um árið til Spæl Føroyskt.
Øll kunnu skipa fyri einum tiltaki og vera við – hvussu?
- Tú fyriskipar eitt tiltak, sum hevur við føroyskan tónleik at gera (hetta kann vera ein konsert við føroyskum bólki, sangløta á ellisheimi/barnagarði/skúla, føroyskur dansur, kirkjugongd, o.s.fr.) ALT BER TIL 💪🏼🇫🇴
- Tú skrásetur tiltakið á okkara heimasíðu, undir Spæl Føroyskt. Okkum tørvar bert upplýsingar um tiltakið (heiti, mynd, frágreiðing) og síðani verður tiltakið lagt afturat okkara SF skrá.
- Vit marknaðarføra tiltakið. Hetta gera vit við, at fáa tiltakið út á almennar síður (Facebook, Tíman, Instagram, o.s.fr.) við einum samlaðum sniði.
Vit vóna at tit vilja vera við, at spæla føroyskt, tann 5.-11.oktobur 🇫🇴